تکبیر تحریمہ | خواجہ عبدالمالک صدیقی |

جب تک کعبۃ اللہ نظر نہیں آتا میں نماز کی نیت نہیں باندھتا ہوں

تکبیر تحریمہ سے پہلے بیت اللہ کی زیارت خواجہ عبدالمالک صدیقی ایک مرتبہ اکوڑہ خٹک کے مدرسہ میں ٹھرے ہوئے تھے وہاں علماء کا پندرہ روزہ تربیتی کیمپ لگا ہوا تھا ایک عالم نے ان سے سوال کیا کہ حضرت ! میں نے یہ نوٹ کیا ہے کہ آپ جب بھی نماز پڑھانے کیلئے کھڑے ہوتے ہیں اقامت ہوجاتی ہے مگر آپ جلدی نیت نہیں باندھتے تھوڑا ساٹھہر کرنیت باندھتے ہیں اس میں کیا حکمت ہے ؟

حضرت پہلے یہ بات سن کر مسکرائے اور فرمایا کہ آپ لوگ تو علماء ہیں آپ کی توجہ الی اللہ کی کیفیت ہر وقت بنی رہتی ہے ۔ مگر میں تو فقیر آدمی ہوں ۔

نماز پڑھانے کیلئے مصلی پر کھڑا ہوتا ہوں تو جب تک مجھے سامنے بیت اللہ نظر نہیں آتا ، میں اس وقت تک نماز کی نیت نہیں باندھا کرتا ۔ جن کونسبت ومعیت الہی کا نور نصیب ہو جا تا ہے تو پھر وہ ایسی نماز یں پڑھا کرتے ہیں ۔